"...Europa sot është në kërkim të identitetit të vet. Sigurisht, për të krijuar bashkim të ri dhe të qëndrueshëm, janë të rëndësishme instrumentet politike, ekonomike dhe juridike, por gjithashtu është e nevojshme të zgjohet një rilindje etike dhe shpirtërore e cila varet nga rrënjët e krishtera të kontinentit, përndryshe nuk mund të ndërtohet një Europë e re. Pa këtë limfë jetësore, njeriu është i ekspozuar ndaj rrezikut t'i nënshtrohet tundimit antik të kërkimit për të shpenguar veten e tij - një utopi e cila në mënyra të ndryshme, në Europën e shekullit 20, siç theksoi Papa Gjon Pali II, ka shkaktuar "regres të pa precedent në historinë e munduar të njerëzimit ”. Sot, në kërkimin e përparimit të vërtetë, le të dëgjojmë edhe Rregullën e Shën Benediktit si një dritë udhëheqëse në udhëtimin tonë. Murgu i madh është akoma një mjeshtër i vërtetë në shkollën e të cilit mund të mësojmë të bëhemi të aftë në humanizmin e vërtetë. "
- Papa Benedikti XVI
Përktheu A.B. për MeshaLatine.blogspot.com
Comments
Post a Comment